BENVIDOS!!!

O equipo da biblioteca do CEIP San Bartolomeu da a benvida a toda a comunidade educativa (alumnado, familias, profesorado...) que queiran participar neste blogue, aportando comentarios, suxerencias, peticións ... . Animádevos!!!
Aquí atoparedes lecturas recomendadas, enlaces a outros blogues , actividades que estamos a levar a cabo e todo aquilo que se nos vaia ocorrendo.

martes, 5 de junio de 2012

DIA MUNDIAL DO MEDIO AMBIENTE



O día 5 de xuño, celébrase o Día Mundial do Medio Ambiente. Aproveitamos a ocasión para lembrar algunhas das accións coas que podemos colaborar para coidar un pouco máis o noso planeta.
No patio do colexio temos tres colectores para que poidamos reciclar o lixo, que NUNCA debemos tirar ó chan. Lembrades a qué corresponde cada cor? Imos ver:

Colector amarelo: Botellas de plástico, bricks de leite ou zume, envases de iogur, envases de xel de baño, xampú, lavavaixelas, etc., redes de envoltorios de foitas, bolsas finas, bandexas de porexpan.
Colector azul: Prensa e revistas, cadernos (sen anelas, grampas, etc.), papel de envolver, caixas de cartón, cartóns de ovos, acolchado de embalaxes (cando sexa de papel ou cartón) e libros.
Colector verde: Orgánicos (restos de alimentos) e materiais non reciclables (cueiros, panos de mesa de papel, panos...)

Ademáis destes que temos no patios, existen outros para reciclar o vidro, o que lle chamamos"iglú", pola súa forma:

As pilas tampouco se deben tirar co resto do lixo son MOI CONTAMINANTES. Para elas hai colectores especiais que atopamos nalgunhas tendas, mesmo nas entradas dos supermercados (fixádevos a próxima vez)
E despois de toda esta información, que de seguro xa coñeciades e ides por en práctica, quedade con este video sobre a importancia de coidar o noso entorno.


Como tamén sabemos que vos encantan os xogos, aquí tedes un estupendo EDILIM para repasar:


(Coma sempre, agradecemos o traballo a Belén Junquera).
Ata pronto!