Benvidos á biblioteca do CEIP de San Bartolomé!
O CEIP Plurilingüe San Bartolomé vén de gañar o 1º premio na gala celebrada hoxe en Pontevedra.
O noso informativo foi galardoado pola boa montaxe do podcast, o ritmo de locución axeitado, a variada participación, a inclusión dunha completa variedade de formatos radiofónicos e polo impacto no seu comezo e no seu remate.
As voces que escoitades pertencen ao alumnado de 2º a 6º de Educación Primaria.
Gala completa de entrega de premios.
O CEIP Plurilingüe San Bartolomé figura como finalista dos I Premios José Hermida de Radio Escolar. O vindeiro 9 de maio terá lugar a gala na que se desvelarán os podcasts aos que se lles outorga o galardón.
O podcast gravado no noso laboratorio de Radiochans é un informativo que fai un repaso polas actividades máis relevantes do primeiro trimestre deste curso contado polos seus protagonistas: os rapaces e rapazas do noso centro.
Podes escoitalo no seguinte enlace da plataforma ivoox.
.png)
Os nenos e nenas de 4º e 5º de Educación Infantil (os nosos gatiños do cole) están en Radiochans. Con eles, neste programa aprenderemos a canción dos días da semana.
Preme no seguinte enlace para escoitalos.
Nesta entrada de hoxe temos novos programas de radio dos mouchiños pequenos do cole. Atoparedes temáticas diversas para aprender e pasar un rato moi agradable.
A continuación premede en cada un dos cursos.
6º de Educación Infantil: Conto.
Os nenos/as de 6º de Educación Infantil cóntannos un conto.
6º de Educación Infantil: sendeiros poéticos
O alumnado de 6º de Infantil recítanos un poema sobre a primavera.
1º de Educación Primaria: Falamos do día da Muller.
Para conmemorar o 8 de marzo "Día da Muller" o alumnado de 1º de primaria fala de 6 mulleres importantes na historia.
2º de Educación Primaria: Entrevista a unha mariscadora.
Andrea é unha mariscadora moi coñecida e querida polo alumnado de 2º de E.P, especialmente por Manuel, xa que é a súa nai.
O alumnado de 6º recentemente estivo nas ondas.
O alumnado de 3º e 4º de Educación Primaria realizou un obradoiro de formación para a radio que foi impartido por Soledad Felloza. Podedes coñecela mellor a través da súa páxina web.
Nesta ocasión, partimos de traballar a postura, a respiración, o control e a dosificación do aire para unha boa calidade de son, o quecemento previo a unha actividade oral como pode ser a radio, a importancia de coidar o noso instrumento...
A continuación, escollemos libros para contar. Traballamos individualmente con eles para coñecelos mellor, vimos dificultades en cada un a ter en conta á hora de contar e criterios para seleccionalos.
Finalmente, unha parte importante foi a de modular a nosa voz para ambientar mellor a historia: diferentes voces segundo os tipos de personaxes, as súas emocións, a importancia das pausas e os silencios e efectos de son, entre outros recursos.
Estamos moi agradecidos a Sole por esta xornada. Aprendemos moito á vez que o pasamos xenial! Ademais, sabemos que isto o podemos aplicar na radio pero tamén en moitos outros ámbitos.
O alumnado de 4º de Educación Primaria comparte estes dous programas de RADIOCHANS da sección "Encontros nas Chans". Ambos abordan o tema do mar desde mundos, lugares e traballos moi diferentes á par que interesantes. Trátase da vida nas plataformas en alta mar e na pesca de baixura. Teñen en común a dureza dos traballos, os sacrificios, as dificultades... pero tamén a importancia que teñen para a nosa vida.
Estamos moi agradecidos a Fernando, pai de Eric, e a Robusto, avó de Flavia, por contarnos a súa experiencia e por facernos pasar uns intres tan fermosos. Aínda que é moi complicado poñerse na pel dos contratempos que xorden no mar, escoitar estes programas debe facernos reflexionar sobre a importancia destes oficios.
Estade atentos porque haberá máis "Encontros nas Chans".
Polo momento, deixámosvos con Robusto, Fernando e os locutores de 4º.
- Entrevista a Fernando. Locutores: Eric Estévez Mariño, Mario Fernández Díaz e Dana Varela Ruiz.
- Entrevista a Robusto. Locutores: Flavia Fernández Bravo, Carolina Maquieira Pérez e Lois Amoedo Fandiño.
Os nenos e nenas de Educación Infantil fixeron varios programas de radio para falarnos de Rosalía de Castro e para recomendarnos algúns dos seus contos favoritos.
Aquí podedes escoitalos. Preme en cada audio e levarache a Ivoox.
- Aula dos Cangrexiños de 5º e 6º de Educación Infantil- Programa 1 Rosalía de Castro.
- Aula dos Cangrexiños de 5º e 6º de Educación Infantil- Programa 2 Rosalía de Castro.
- Aula dos Cangrexiños de 5º e 6º de Educación Infantil- Programa 3 Rosalía de Castro.
- Aula de 4º e 5º de Educación Infantil- Programa "O meu conto favorito".
- Aula de 4º e 5º de Educación Infantil- Recitado "O moucho".
Agardamos que vos gusten!
Poñemos a continuación os enlaces á plataforma ivoox correspondentes a algúns dos programas de radio que se gravaron no noso cole co gallo da celebración do Día de Rosalía de Castro o pasado 23 de febreiro.
Preme en cada un dos cursos para escoitalos.
Recorda que podes instalar a app de Ivoox no teu móbil ou tablet para escoitar os podcast de radiochans ou buscar outras canles que che gusten.
En 4º de Educación Primaria estivemos investigando sobre os efectos que teñen na nosa saúde o emprego das pantallas e dispositivos electrónicos como poden ser o teléfono móbil, a tablet, a televisión, as videoconsolas...
En primeiro lugar, pensamos na nosa rutina e cada cativo anotou todo o que realiza ao longo do día durante unha semana normal da súa vida. Despois, sacamos conclusións sobre os nosos hábitos e a importancia do descanso, a alimentación, as actividades que realizamos no noso tempo de lecer, axudar na casa, pensamos alternativas ao emprego de pantallas...
En segundo lugar, buscamos información sobre os efectos das pantallas na nosa saúde. Traballamos en gran grupo e en pequenos grupos clasificando efectos en varias categorías: "o noso corpo", "saúde mental", "capacidades e escola" e "vida diaria".
Paralelamente, tentamos realizar un challenge na casa durante unha semana co reto de evitar pantallas polo menos durante as comidas en familia. Non sempre foi doado polas rutinas, hábitos e gustos dos membros das familia. Non é doado, pero algún cativo apreciou diferenzas cando non había pantallas.
En terceiro lugar, con todo o investigado e as nosas conclusións elaboramos o produto final. Este consistiu no deseño de tres programas de radio, un por cada grupo de traballo. Deseñamos casos cunha problemática diferente, identificamos que posibles efectos poderían ter na saúde e, grazas á intervención dos "nosos expertos" aportamos consellos saudables.
O nome que escollemos para o noso programa de radio é "Saúda á saúde". A continuación, coas ligazóns, podedes escoitar os tres capítulos deste programa que gravamos en Radio Chans con moita ilusión.
Agardamos que vos gusten e que, se o precisades, poñades en práctica os nosos consellos.
PROGRAMA 1:
Saúda á saúde-Ismael, Lucía, Breixo e Eloy
PROGRAMA 2:
Saúda á saúde-Nico, Sara e Roi
PROGRAMA 3:
Saúda á saúde-Laura, Marta, Saúl e Camilo
Sabemos que a pandemia da covid provocou bastantes cambios nos coles. O xel e o xabón convertíronse nuns moi bos compañeiros, a nosa faciana agora está decorada coas cores das nosas máscaras, os patios están delimitados, o empréstito da biblioteca modificiouse, algúns recunchos quedaron pechados e a nosa radio tivo que silenciarse durante un tempo.
O pasado día 13 de setembro isto cambiou e, con moita ledicia, anunciamos que queda reinaugurada a actividade nas nosas ondas. Radiochans recuperou a súa voz!
Como non podía ser doutro xeito, tal acontecemento ben merecía un evento que estivese á súa altura. Por iso, na visita que fixo ao noso cole o Conselleiro de Educación da Xunta de Galicia, Román Rodríguez, gravouse un programa moi especial guiado por Lucía Varela, Eloy Moares e Rita Rodríguez de 6º de Educación Primaria. Porén, non só estiveron estes nenos e nenas senón que, de forma telemática, estiveron presentes outros membros da comunidade educativa para facerlle cuestións e transmitirlles algunhas das súas inquedanzas ao Sr. Conselleiro.
Agardamos que desfrutedes deste programa e que o sigades facendo cos seguintes.
PREME NA IMAXE E ESCOITA O PROGRAMA DE RADIO.
Recordamos que podedes escoitar este e outros programas de dous xeitos:
- Na web: https://www.ivoox.com/radiochans-_sw_1_1.html
- Descargando a app "ivoox" no teu móbil ou tablet.
Esta gravación realizouse o curso pasado, daquela, cando a situación sanitaria era moi distinta á actual. Parece que pasou tanto tempo... de feito, os nosos cativiños e cativiñas xa medraron un montón.
Agora, xa publicado o vídeo, podemos recordar bonitos e divertidos momentos e aprender sobre as cartas e os medios de comunicación.
Premede no enlace e poderedes ver ao alumnado do noso cole no programa de televisión que gravaron con Braulio dos Bolechas.
http://www.crtvg.es/infantil/programas/braulio-tuber/braulio-tuber-iii-116-4746475
O pasado venres día 5 de marzo o alumnado de 3º de Educación Primaria tivo a sorte de recibir unha formación de radio. Este obradoiro titulado "O micro non morde" foi impartido por Luis Pardo, xornalista e locutor de radio da Cadena Ser.
Luis, dun xeito moi ameno e práctico, explicoulle ao alumnado os catro elementos esenciais para elaborar un programa de radio, como escribir para falar ante os micrófonos e a coidar a entoación segundo a intención do programa e a mensaxe que se quere transmitir. Ademais, doulles uns valiosos consellos a ter en conta antes de entrar a gravar.
Moitas grazas, Luis, por vir a compartir a túa experiencia con nós.
Hoxe temos unha moi boa noticia.
O noso cole gañou o premio no II Concurso de Podcasts- Radio na Biblio cun podcast creado con motivo da visita do escritor Antonio García Teijeiro. Fíxose un traballo previo importante a ese día desde as diferentes áreas para coñecer, por unha banda, a este autor, a súa obra... e, pola outra, a elaboración dun programa de radio dentro do noso proxecto relacionado cos medios de comunicación.
Nesta ocasión, os encargados de entrevistar na nosa radio a Antonio García Teijeiro foron Saúl, Breixo e Lucía. Dámoslles a noraboa a todos.
Podes volver a escoitar o podcast no seguinte enlace da nosa canle de Ivoox.
https://www.ivoox.com/antonio-garcia-teijeiro-radio-chans-audios-mp3_rf_57581618_1.html
