Benvidos á biblioteca do CEIP de San Bartolomé!
Como sabedes, este ano continuamos o noso PDI de "Mouchiños e mouchiñas polo mundo" viaxando polo resto dos continentes.
En maio remataron as exposicións de cada grupo combinando exposicións, vídeos, obras de teatro, danza, gastronomía...
Nas fotos vemos algúns traballos e momentos do realizado en cada grupo:
- Educación Infantil: Oceanía.
- 1º ciclo: África.
- 2º ciclo: Asia.
- 3º ciclo: América.
Este ano o Día das Letras Galegas homenaxea á escritora viguesa Begoña Caamaño.
No centro abordouse a súa figura en cada aula poñendo en valor a súa labor en prol da lingua galega e da literatura.
No recanto da biblioteca tedes algúns libros para seguir profundizando.
O luns 23 de febreiro conmemoramos o Día de Rosalía e o Día da Poesía .
Na sala de multiusos todo o centro se reuniu nun acto presentado polo alumnado de 6º no que se recitaron, dramatizaron con música e declamaron os seguintes poemas:
- Educación Infantil: "Parece unha rosa".
- 1º EP: "Has de cantar".
- 2º EP: "O moucho".
- 3º EP: "Adiós ríos, adiós fontes".
- 4º EP: "Negra sombra".
- 5º EP: "O maio" de Celso Emilio Ferreiro.
- 6º EP: "Caldo de Gloria".
Despois, todo o cole degustou un caldo de gloria seguindo a receita da nosa ilustre escritora.
Achégase o Día Escolar da Paz e da Non Violencia e xa está preparado o noso recanto. Tedes aquí un bonito e tranquilo lugar para ler estas historias que, de seguro, axudarán a facer un mundo máis xusto e mellor para todos.
As vacacións están a piques de comezar e seguramente estaredes escribindo as vosas cartas ao Pai Noel e aos Reis Magos. Neste tempo de lecer no que poderedes facer un montón de actividades, unha fantástica sabedes que é a lectura.
Déixovos unhas recomedacións lectoras para todas as idades do cole e para as familias.
Premede na seguinte imaxe e, despois, movédevos nesa revista virtual coas frechas que aparecen por abaixo á dereita e á esquerda para avanzar e retroceder.
Un saudiño,
O 24 de outubro (Día das Bibliotecas Escolares) os nosos voluntarios fixeron entrega das mochilas viaxeiras. Os libros que as conforman foros escollidas polo propio alumnado de cada clase.
Agora en cada casa a desfrutar moito con estas lecturas.
Estas datas son agardadas por todos os nenos e nenas pola maxia destes días, polos disfraces, as historias de medo… Para inspirarvos nas vosas creacións ou levar algún susto, tedes preparado o recanto temático da nosa biblioteca.
O venres 10 de outubro realizamos a actividade de motivación do PDI deste ano: a continuación de “Mouchiños e mouchiñas polo mundo”. Tivemos unha sesión de cine coa película “A volta ao mundo en 80 días”. Para os cativos do cole seleccionouse a versión de Willy Fog e, para os maiores, a película de 2004 protagonizada por Jackie Chan.
O venres 3 de outubro, Mouchán saiu ao patio para pasar unha hora de ler diferente cos libros seleccionados para nós. Deste êxito quedou inaugurada a biblioteca a partires deste día.
Agora xa podemos realizar os empréstitos, desfrutar dos xogos de mesa no recreo…
Chega o final de curso, o verán e, polo tanto, as vacacións nas que imos ter moito tempo para desfrutar do noso tempo de lecer. Ir á praia, á piscina, facer deporte, dar paseos pola natureza… son actividades que nos encantará facer.
Como sei que tamén teredes moitas ganas de ler, recoméndovos uns libros para vós e as vosas familias.
Consultádeos aquí.
Agardo que pasedes unhas moi boas vacacións.
Un saudiño,
Mouchán
Coma sempre que se achega o 17 de maio, a nosa biblioteca fai unha selección de homenaxeados para o recanto.
Este ano, o Día das Letras Galegas adícase ás "Cantareiras-Poesía popular", polo que desfrutamos do concerto didáctico que nos ofreceu o Grupo Xironsa.
Desde as aulas recompiláronse cantigas tradicionais e colocáronse nun xigantesco mural na entrada do colexio. O traballo en colaboración coas familias foi fermoso e destaou a cantidade e variedade.
cantigas a esgalla
O CEIP Plurilingüe San Bartolomé vén de gañar o 1º premio na gala celebrada hoxe en Pontevedra.
O noso informativo foi galardoado pola boa montaxe do podcast, o ritmo de locución axeitado, a variada participación, a inclusión dunha completa variedade de formatos radiofónicos e polo impacto no seu comezo e no seu remate.
As voces que escoitades pertencen ao alumnado de 2º a 6º de Educación Primaria.
Gala completa de entrega de premios.
O CEIP Plurilingüe San Bartolomé figura como finalista dos I Premios José Hermida de Radio Escolar. O vindeiro 9 de maio terá lugar a gala na que se desvelarán os podcasts aos que se lles outorga o galardón.
O podcast gravado no noso laboratorio de Radiochans é un informativo que fai un repaso polas actividades máis relevantes do primeiro trimestre deste curso contado polos seus protagonistas: os rapaces e rapazas do noso centro.
Podes escoitalo no seguinte enlace da plataforma ivoox.
.png)
Este ano, celebramos este 23 de abril, o Día do Libro, cun encontro coa autora Thalía Troitiño González. A nosa profe Thalía presentounos "O poder máxico do sorriso".
Ela explicounos como xurdiu, fixemos unha lectura colectiva e puidemos preguntarlle algunhas dúbidas e curiosidades sobre a súa obra e sobre a experiencia de crear e publicar un libro.
Chegan uns días agardados con cariño polos nenos e nenas.
Seguro que tedes preparados os vosos disfraces pero... que tal uns libros sobre manualidades para os derradeiros retoques, divertidas historias ou tradicións destas festas?
Mirade o vídeo que prepararon Pepe, David e Dana! Estes libros e algún máis podedes atopalos no noso recanto.
Visita o noso recanto para ver estes fermosos libros para
cultivar a paz todos os días do ano. Hoxe, 30 de xaneiro celebamos a conmemoración do Día Escolar da Non Violencia e da Paz.
Ola mouchiños e mouchiñas.
Deséxovos que pasedes unhas moi bonitas e felices festas. Pasádeo xenial, desfrutade... pero non vos esquezades de ler todos os días un pouco!
Hoxe póñovos aquí unhas recomendacións lectoras para estas vacacións.
Preme na imaxe e descubre máis sobre cada libro. Ollo! A presentación está moi animada con música para ambientar as festas.
Vémonos á volta!
Unha apertiña,
Mouchán
.png)
Pasamos un fantástico e terrorífico día de Samaín. Houbo cabazas, disfraces, túnel do terror, familias valentes dispostas a pasar medo, diplomas, pemios aos relatos de medo...
Aquí podedes ver un vídeo con algúns momentos.
