Benvidos á biblioteca do CEIP de San Bartolomé!
O pasado 21 de marzo celebramos o Día da Poesía.
O alumnado de 1º de Educación Primaria agasallounos con esta fermosa poesía creada por eles mesmos seguindo a temática do mar que estamos traballando no proxecto deste ano.
Compartimos aquí esta fermosa creación literaria.
Temos no noso recanto xa preparados uns libros moi axeitados para a estación que acabamos de comezar.
No seguinte vídeo podedes ver cada un deles. Animádevos e escollede o que máis vos guste para ler.
Aquí atoparás divertidas historias para os máis cativos, libros de consulta para os maiores e outros para crear unha morea de alternativas ao aburrimento.
Preme nesta imaxe e despois en cada libro. Uns nenos e nenas de 6º explicaranche que hai detrás de cada título.
.png)
Bo día.
Hoxe temos estas novidades.
Preme na imaxe e, despois, fai clic en cada libro porque alguén che contará de que vai. Activa o son do teu dispositivo!
Poñemos a continuación os enlaces á plataforma ivoox correspondentes a algúns dos programas de radio que se gravaron no noso cole co gallo da celebración do Día de Rosalía de Castro o pasado 23 de febreiro.
Preme en cada un dos cursos para escoitalos.
Recorda que podes instalar a app de Ivoox no teu móbil ou tablet para escoitar os podcast de radiochans ou buscar outras canles que che gusten.
A continuación tedes varios libros novos. Esta escolma está pensada para o alumnado de todo o centro. Polo tanto, hai libros para os máis cativos como "¡Que viene el lobo!" e "Un conto cheo de lobos". Para os primeiros lectores, "Invisible". O alumnado de segundo ciclo que está estudando as táboas en matemáticas "Gira y aprende las tablas de multiplicar". Finalmente, para os maiores de 5º e 6º aconséllovos "Estar mal es normal" e "Un paseo por el Museo del Prado".
