BENVIDOS!!!

O equipo da biblioteca do CEIP San Bartolomeu da a benvida a toda a comunidade educativa (alumnado, familias, profesorado...) que queiran participar neste blogue, aportando comentarios, suxerencias, peticións ... . Animádevos!!!
Aquí atoparedes lecturas recomendadas, enlaces a outros blogues , actividades que estamos a levar a cabo e todo aquilo que se nos vaia ocorrendo.

jueves, 16 de diciembre de 2021

RECOMENDACIÓNS LECTORAS NADAL 2021

 Preme na seguinte imaxe para ver todas as recomendacións e logo poderás consultar a información de cada libro individualmente.




martes, 7 de diciembre de 2021

RECANTO DE NADAL

Mouchán quere desexarvos un moi bo nadal.

Para iso, montou un recanto especial cargadiño de libros para todas as idades relacionados con esta festividade.

Botádelle unha ollada.



miércoles, 1 de diciembre de 2021

SEMANA DO PARLAMENTO NA ESCOLA

O Parlamento de Galicia é a institución onde reside o poder lexislativo da nos comunidade autónoma. Este ano, esta institución cumpre corenta anos.

Para coñecelo mellor contamos estes días nas aulas cun material co que, a través dunha historia de ficción entretida, nos permitirá aprender valores democráticos.



 

lunes, 22 de noviembre de 2021

NOVIDADES: A historia de Playmobil

Temos novos libros da colección "La historia de Playmobil". Sabemos que vos gustan moito porque se aprenden moitos aspectos da nosa historia pero tamén porque son divertidos cos seus fragmentos de banda deseñada, xogos e manualidades. Ollade tamén que bonitiñas son as figuriñas de xoguete que trae cada un.



 

martes, 16 de noviembre de 2021

Libros para o noso proxecto

 No recanto da nosa biblioteca destinado ao noso PDI (titulado "A saúde") podedes consultar estes libros.



miércoles, 3 de noviembre de 2021

SAMAÍN 2021

O venres 29 de outubro celebramos no colexio a festividade do Samaín. O alumnado e as familias fixeron cabazas e, nos días previos, os nenos e nenas traballaron esta tradición nas diferentes materias e decoraron zonas do centro.

O noso recanto da biblioteca non queda atrás. Aquí se concentraron un montón de obras das que se recomenda a súa lectura.

No seguinte vídeo podémolas ver.





lunes, 25 de octubre de 2021

24 de OUTUBRO: DÍA DAS BIBLIOTECAS ESCOLARES

O día 24 de outubro celébrase o Día das Bibliotecas escolares logo de que, hai uns anos, a Asociación Amigos del Libro Infantil e Xuvenil propuxera este data para facer fincapé nos beneficios destas institucións ao servizo da lectura, da cultura e da cidadanía. Posteriormente, o Ministerio de Cultura apoiou esta celebración e todos os anos edítase un cartel cun texto conmemorativo e realízase un acto de celebración oficial.

No noso cole, hoxe luns día 25 celebrámolo deixando viaxar as nosas mochilas agardando que, en cada unha das súas paradas, os fogares do noso alumnado, fagan todo o posible para facer desfrutar aos seus viaxeiros enchéndoos de ledicia, inquedanzas, ganas de saber, de pensar...




domingo, 24 de octubre de 2021

APERTURA BIBLIOTECA 2021-2022

O pasado día 4 de outubro a biblioteca abriu as súas portas. Coma sempre, Mouchán prepara algunha sorpresiña para os cativos. Ademais das ganas coas que nenos e nenas retomaron as visitas á biblioteca, os empréstitos... foi toda unha emoción descubrir os agasallos que alí estaban agardando.


Por outra banda, ao longo de varios días tivo lugar o proceso de selección dos axudantes da biblioteca entre o alumnado de 5º e 6º de educación primaria.
O primeiro foi a realización do currículum por parte dos aspirantes e a súa entrega. Logo, a realización dunha entrevista persoal. Finalmente, todos os seleccionados procederon á lectura do contrato e á firma do mesmo.




viernes, 15 de octubre de 2021

PDI 2021-2022: A SAÚDE

O proxecto documental integrado deste curso académico versa sobre a SAÚDE. Non podemos esquecer que estamos tentando saír dunha pandemia pero imos afondar en todo o relacionado coa saúde a tódolos niveis (físico, emocional...), coñecer estratexias e hábitos saudables para previr as enfermidades...

Como actividade de motivación, todo o alumnado do centro fixo unha chuvia de ideas coas palabras relacionadas con este tema.

Como sabemos que o tema é moi amplo, a exposición das palabras no noso panel da entrada á biblioteca é moi variado e enriquecedor.



viernes, 8 de octubre de 2021

Os Bolechas visitan o noso cole

Recordamos hoxe que o pasado luns 13 de setembro Os Bolechas pasaron polo noso cole. Os nenos e nenas puideron ir velos un ratiño.

Estamos moi ledos de telos connosco.

Ata pronto!



martes, 28 de septiembre de 2021

XA QUEDA MENOS!!!! 4 DE OUTUBRO!!!!

 Ola mouchiños e mouchiñas!

Sei que estades preguntando cando abrirá a biblioteca. Xa está todo listo para recibirvos e que sigades desfrutando de todo o que temos neste espazo: libros, películas, recomendacións, novidades, sorpresas... 

Como podedes ver no cartel da entrada, o vindeiro luns 4 de outubro abrirán as portas para vós. Estade atentos para vir o día que vos corresponde. Seguimos tendo unha hora para cada curso.


Volvo poñervos o vídeo do ano pasado sobre as normas que temos en canto ao emprego do xel ao entrar e saír, sentarse só nos postos dispoñibles, a distancia de seguridade entre as persoas, o lugar onde deixar as devolucións...

Agardo vervos moito pola nosa biblio. 

Ata dentro de moi pouco.



miércoles, 22 de septiembre de 2021

RADIOCHANS ESTÁ DE VOLTA

Sabemos que a pandemia da covid provocou bastantes cambios nos coles. O xel e o xabón convertíronse nuns moi bos compañeiros, a nosa faciana agora está decorada coas cores das nosas máscaras, os patios están delimitados, o empréstito da biblioteca modificiouse, algúns recunchos quedaron pechados e a nosa radio tivo que silenciarse durante un tempo.

O pasado día 13 de setembro isto cambiou e, con moita ledicia, anunciamos que queda reinaugurada a actividade nas nosas ondas. Radiochans recuperou a súa voz! 

Como non podía ser doutro xeito, tal acontecemento ben merecía un evento que estivese á súa altura. Por iso, na visita que fixo ao noso cole o Conselleiro de Educación da Xunta de Galicia, Román Rodríguez, gravouse un programa moi especial guiado por Lucía Varela, Eloy Moares e Rita Rodríguez de 6º de Educación Primaria. Porén, non só estiveron estes nenos e nenas senón que, de forma telemática, estiveron presentes outros membros da comunidade educativa para facerlle cuestións e transmitirlles algunhas das súas inquedanzas ao Sr. Conselleiro.

Agardamos que desfrutedes deste programa e que o sigades facendo cos seguintes.

PREME NA IMAXE E ESCOITA O PROGRAMA DE RADIO.


Recordamos que podedes escoitar este e outros programas de dous xeitos:

- Na web: https://www.ivoox.com/radiochans-_sw_1_1.html 

- Descargando a app "ivoox" no teu móbil ou tablet.

jueves, 16 de septiembre de 2021

3, 2, 1... COMEZAMOS

Ola mouchiños e mouchiñas!
Quero darvos a BENVIDA AO CURSO 2021-2022. 
Espero que estes días tivérades un moi bo comezo cos vosos compis, co profesorado, atopándovos de novo cos amigos e facendo novas amizades.


Dentro de pouco poreime en contacto convosco para darvos máis detalles sobre a apertura da biblioteca. De momento, ide recordando todo o que sabiamos do curso anterior: emprego do xel, ocupar os postos dispoñibles para manter a distancia, o lugar onde deixar as vosas devolucións... Moitas cousas seguen como o ano pasado porque xa sabedes que ainda temos que andar con moita precaución para previr contaxios. Porén, xa vos adianto que haberá algunha novidade.
Tamén, estade ben atentos porque xa vos presentarei o proxecto deste curso.

Polo momento, mentres non nos vemos comparto un agasallo que me fixeron os nenos e nenas que agora comezan 6º de Educacón Primaria.
Cóntovos o que pasou. A finais do curso pasado, na materia de educación musical fixeron unha montaxe do conto "O frautista de Hamelin" (que teño na biblioteca) gravándoo coas súas voces e incorporando música e son. Dixéronme que moito tiveron que andar coa tablet e co ordenador para facelo.
Espero que vos guste.



lunes, 21 de junio de 2021

RECOMENDACIÓNS LECTORAS PARA O VERÁN

Ola mouchiños e mouchiñas!

Aquí vos deixo uns libros que penso que vos poden gustar para ler este verán.

Sexan estes ou outros, recoméndovos ler moito para pasar uns ratos divertidos entre chapuzón e chapuzón.

Ao premer na seguinte imaxe poderás ver unhas estreliñas azuis en movemento. Fai clic en cada unha delas para saber de que vai cada conto.

Bo verán!

Apertiñas, 

Mouchán





domingo, 6 de junio de 2021

CONTACONTOS CON PAULA CARBALLEIRA!!!

Foi un luxo ter no cole a Paula Carballeira. O alumnado de 2º, 3º e 4º de educación primaria desfrutou dunha sesión de contacontos moi didáctica, amena, divertida e participativa. Por suposto, quedamos con gañas de máis.

Abaixo podedes ver a selección das principais imaxes e algúns dos vídeos nos que apreciaredes que estamos participando e interactuado con ela.

Grazas Paula. Encantaríanos volver a verte no cole en futuras ocasións.

Preme na imaxe, mira os vídeos e volve revivir algúns momentos.



viernes, 21 de mayo de 2021

LETRAS GALEGAS 2021: XELA ARIAS

Na semana anterior e nesta semana das Letras Galegas a figura de XELA ARIAS inundou o noso cole, as nosas cabezas e os nosos corazóns. Pouco a pouco nos fomos achegando ao legado que deixou como persoa, escritora, tradutora, editora... na súa curta pero intensa vida.
Con materiais adaptados a cada curso afondamos nela e traballamos na aula cos nosos mestres e mestras. Tivemos a sorte de ter nas nosas aulas diferentes libros dela ou sobre ela para coñecela mellor: 
- "Xela Arias: as miñas primeiras letras galegas" (Os Bolechas).
- "Xela quixo ser ela. Biografía de Xela Arias" (Yolanda Castaño)".
- "Non te amola!" (Xela Arias).
- "Darío a diario" (Xela Arias).

Pescudamos información sobre Xela, vimos algúns vídeos e documentais, escribímoslle poemas, fixemos ilustracións sobre o que ela nos suxire e mesmo xogamos con palabras da nosa lingua moi fermosas formando un acróstico co seu nome.


  



jueves, 20 de mayo de 2021

CONTACONTOS CON ANXO FARIÑA

 Hai uns días, o alumnado de educación infantil e de 1º, 2º e 3º de educación primaria tivemos a sorte de estar nun contacontos con Anxo Fariña. Desfrutamos moito coas súas historias e coas súas ilustracións.




domingo, 9 de mayo de 2021

CONTACONTOS "MOC MOC"

O pasado luns día 3 estivo con nós no cole o espectáculo de Moc Moc.

Cunha divertidísima posta en escena tivemos a ocasión de coñecer outra versión do clásico conto "O flautista de Hamelín". Entre a divertida historia, o humor e os malabares que puidemos ver, non paramos de rir.

Aquí podedes ver unha mostra das fotos dos mellores momentos.





OS NENOS E NENAS DO COLE CON BRAULIO DOS BOLECHAS!

Esta gravación realizouse o curso pasado, daquela, cando a situación sanitaria era moi distinta á actual. Parece que pasou tanto tempo... de feito, os nosos cativiños e cativiñas xa medraron un montón.

Agora, xa publicado o vídeo, podemos recordar bonitos e divertidos momentos e aprender sobre as cartas e os medios de comunicación.

Premede no enlace e poderedes ver ao alumnado do noso cole no programa de televisión que gravaron con Braulio dos Bolechas.

http://www.crtvg.es/infantil/programas/braulio-tuber/braulio-tuber-iii-116-4746475



viernes, 30 de abril de 2021

CONMEMORAMOS A SEMANA ESCOLAR DOS CAMIÑOS DE SANTIAGO

Nesta semana do 26 ao 30 de abril conmemoramos a Semana Escolar dos Camiños de Santiago. Este ano dedícase ao Camiño Primitivo.

A cativada do cole desde 3º a 6º de educación primaria estivo ao longo destes días traballando co libro que vemos na imaxe para coñecer máis sobre esta ruta xacobea. Logo de investigar a comezo de curso sobre os diferentes camiños, facer o calendario e outras actividades relacionadas, agora afondamos nesta viaxe que parte da catedral de Oviedo.



viernes, 23 de abril de 2021

FELIZ DÍA DO LIBRO 2021

No día de hoxe, 23 de abril festexamos o Día do Libro con este fermosísimo traballo elaborado ao longo da semana por todos os nenos e nenas do cole das etapas de educación infantil e primaria.

Cada un convertiuse no ilustrador ao que se lle encargou a tarefa de deseñar a portada para un conto clásico. Asumindo esta responsabilidade, e coa creatividade dos nosos cativos, o resultado é o que se amosa na imaxe.

Os contos asignados a cada clase foron os seguintes:

- Aula de 4º e 5º de Educación Infantil: "Hansel e Gretel".

- Aula de 6º de Educación Infantil: "O xastriño valente".

- Aula de 1º de Educación Primaria: "A vendedora de mistos".

- Aula de 2º de Educación Primaria: "O xenio da botella".

- Aula de 3º de Educación Primaria: "Os músicos de Bremen".

- Aula de 4º de Educación Primaria: "O traxe novo do emperador".

- Aula de 5º de Educación Primaria: "O rei rá".

- Aula de 6º de Educación Primaria: "Riquete o do copete".

Sen dúbida, o alumnado promete como futuros ilustradores.





BOTA UNHA OLLADA AOS NOVOS LIBROS

Preme na imaxe e logo nos símbolos que están en movemento para coñecer mellor cada un dos novos libros desta semana.



miércoles, 14 de abril de 2021

UN MONTÓN DE PELIS NOVAS

 Fai clic na imaxe e despois en cada icona para ver o trailer da película e escoller a que vas levar no vindeiro empréstito.



miércoles, 7 de abril de 2021

NOVAS

Nestes novos libros podedes atopar varios de animais, unha nova aventura de Kika Superbruja e a fermosa historia do cociñeiro Martiño.

Vide botar unha ollada aos novos libros.




miércoles, 24 de marzo de 2021

NOVAS PARA TODAS AS IDADES

Esta semana hai libros para todas as idades e para todos os gustos.

Temos libros para saber cociñar, plantar, coñecer as letras, escoitar instrumentos ou para pasar un apaixoante rato descubrindo novas aventuras.





lunes, 15 de marzo de 2021

NOVIDADES

Bota unha ollada aos novos libros que chegaron esta semana. Son moi variadiños, seguro que hai algún que che gusta.
Achégate e reserva!





miércoles, 10 de marzo de 2021

LUCÍA E NICO presentan

Hoxe, Lucía e Nico de 3º de Educación Primaria presentan dúas adquisicións recentes da biblioteca. Nicolás fala dun libro que xa leu da colección "Moon girl". Cóntovos unha cousiña? Gustoulle tanto que xa está lendo o segundo libro!

Lucía, por outra parte, é a encargada de presentar un libro que sairá pronto no que podedes ler para coñecer os instrumentos musicais e escoitalos. Atentos porque sairá pronto. Ela xa pediu poder levalo!



lunes, 8 de marzo de 2021

OBRADOIRO DE RADIO

O pasado venres día 5 de marzo o alumnado de 3º de Educación Primaria tivo a sorte de recibir unha formación de radio. Este obradoiro titulado "O micro non morde" foi impartido por Luis Pardo, xornalista e locutor de radio da Cadena Ser.

Luis, dun xeito moi ameno e práctico, explicoulle ao alumnado os catro elementos esenciais para elaborar un programa de radio, como escribir para falar ante os micrófonos e a coidar a entoación segundo a intención do programa e a mensaxe que se quere transmitir. Ademais, doulles uns valiosos consellos a ter en conta antes de entrar a gravar.

Moitas grazas, Luis, por vir a compartir a túa experiencia con nós.




viernes, 5 de marzo de 2021

RECANTO DO DÍA DA MULLER

Achégase o "Día da muller" e o noso recanto está preparado con libros que nos falan dalgunhas mulleres coñecidas por moitos e moitas de nós, da igualdade entre homes e mulleres ou que nos contan divertidas historias para que cada cativo recorde que, con esforzo, pode chegar a ser aquilo co que soña e que non debemos facer caso daquelas voces e comentarios que non impiden facer ou xogar con algo polo mero feito de ser neno ou nena.




viernes, 26 de febrero de 2021

ÚLTIMAS NOVIDADES DE FEBREIRO

Esta semana continuamos cos seguintes números das coleccións de "Moon girl" e "La aventura de la historia" de Playmobil.

Ademais, temos tres libros máis de música para coñecer e escoitar tres obras que fixeron historia no seu momento: "Entroido dos animais" de Camille Saint-Saëns, o "Bolero" de Maurice Ravel e "Cadros dunha exposición" de Modest Mussorgsky.





miércoles, 24 de febrero de 2021

FELIZ DÍA DE ROSALÍA

Hoxe, 24 de febreiro conmemoramos o "Día de Rosalía".

A continuación tedes un breve vídeo para coñecer, dunha forma moi animada, algúns dos principais fitos sobre a súa vida e traxectoria como escritora.

No segundo vídeo, escoitarás na voz de Amancio Prada a canción "Adiós ríos, adiós fontes" pertencente á súa obra "Cantares gallegos" publicada en 1863.




viernes, 19 de febrero de 2021

BREIXO e SAÚL presentan...

Nesta ocasión temos a Breixo e a Saúl de 3º falando duns libros que temos na biblioteca para que os coñezades e vos animedes a lelos.

Graciñas polas vosas recomendacións!




viernes, 12 de febrero de 2021

NOVIDADES VARIADIÑAS

Sexas grande ou pequeno acode á biblioteca porque nas nosas novidades temos para todos.
Bota unha ollada.




viernes, 5 de febrero de 2021

CANTAS NOVIDADES!!

 ATENCIÓN!!

Continuamos con máis libros da colección "Moon girl" de Marvel, máis libros de Tea Stilton, libros de música (así que prepara ben os teus oídos e a túa voz) e un fantástico libro de Playmobil!