A biblioteca de Mouchán

martes, 16 de octubre de 2018

BENVIDA AOS NOVOS VOLUNTARIOS

A biblioteca de Mouchán xa conta con novos voluntarios. Agradecémoslles a todos eles a súa colaboración no bo funcionamento deste espazo.

Nas imaxes podemos ver a firma do contrato polo cal se comprometen a levar a cabo estas funcións con responsabilidade.

NOVIDADES

Bo día!

Presentamos as primeiras novidades deste curso que xa podemos atopar nos andeis da nosa biblioteca. Entre eles está un libro dunha autora natural de Tremoedo. Agardamos que vos gusten!

ACTORES E ACTRICES POR UN DÍA

O pasado xoves día 4 de outubro recibimos una visita moi especial no cole: o grupo “Os Quinquilláns”.

Con eles fixemos un obradoiro de teatro no cal representamos obras célebres da nosa literatura como “O espantallo amigo” de Xosé Neira Vilas. Con esta actividade pasamos un moi bo rato transformándonos en diferentes personaxes e coñecemos algunhas técnicas e aspectos a ter en conta na representación de obras teatrais.

A experiencia foi moi boa. Anímate a coñecer un pouco máis este xénero!

martes, 9 de octubre de 2018

Novo curso, novo proxecto

Neste curso que acabamos de comezar encheremos o cole de arte cun proxecto chamado “Innovarte”. Coñeceremos e afondaremos nas diferentes manifestacións artísticas, practicarémolas e seguro que nos sorprenderemos coas nosas habilidades.

Para ir poñéndoo en marcha pouco a pouco xa puidemos ver a exposición das portadas dos nosos cadernos que enchen de cor os corredores. Na biblioteca vimos unha zona dedicada aos libros relacionados con esta temática para comezar a nosa investigación. Por outra banda, agardamos ansiosos a realización dunha actividade sorpresa moi especial.

Mouchán acompáñanos no patio!

Durante a primeira semana de outubro Mouchán saiu da biblioteca e estivo con nós no patio. Foi paseando polas diferentes zonas de lecer moi cargadiño para presentarnos un montón de novidades.

Deste xeito, puidemos coñecer os libros que teremos nos andeis a partir dos vindeiros días cos que, de seguro, aprenderemos e pasaremos moi bos momentos.

lunes, 24 de septiembre de 2018

Estamos de volta!

Ola mouchiños e mouchiñas:
Benvidos ao novo curso!
En poucos días de novo teremos a biblioteca do cole aberta. Sabedes que tedes á vosa disposición os libros, revistas, xogos e películas que vos gustan e, ademais, estanvos agardando outras novidades.
Non esquezades esta data: 1 de outubro.

Ata pronto!
Saudiños,
Mouchán

jueves, 28 de junio de 2018

DESPEDIDAS.....

Este ano despedimos aos axudantes de 6º curso cunha mochila de Mouchán. Grazas pola vosa colaboración.

Desexámosvos unha boa experiencia no instituto!

E como todos sabedes a profe Antía comeza unha nova aventura noutro cole.

Non vos olvides de ler, cantar, bailar e soñar!

viernes, 15 de junio de 2018

PRÉSTAMO DE VERÁN

Hoxe traio boas novas!!!!

Este verán poderedes levar libros da biblio para as vosas casas, e así seguir disfrutando da lectura todo o ano.

BOAS VACACIÓNS!

jueves, 14 de junio de 2018

ÚLTIMAS NOVIDADES

Bo día!

Hoxe, a falta dunha semaniña de cole, chegan as últimas novidades do curso.

Ben que as merecedes !Este ano traballáchedes moito e ben.

Esperámosvos en setembro !

miércoles, 13 de junio de 2018

AUDIOCONTO

E aquí tendes a Ana coa súa creación. Un libro co que agasallou a biblioteca.

" O moucho do bosque e SG"

Moitas grazas

Preme aquí para poder escoitalo.

martes, 12 de junio de 2018

NOVOS XOGOS DE MESA

Agora que xa imos rematando o curso e temos todo o traballo feito, agradecemos o voso esforzo presentantando novos xogos para exercitar a nosa mente....as vacacións inda non chegaron!!