BENVIDOS!!!

O equipo da biblioteca do CEIP San Bartolomeu da a benvida a toda a comunidade educativa (alumnado, familias, profesorado...) que queiran participar neste blogue, aportando comentarios, suxerencias, peticións ... . Animádevos!!!
Aquí atoparedes lecturas recomendadas, enlaces a outros blogues , actividades que estamos a levar a cabo e todo aquilo que se nos vaia ocorrendo.

lunes, 21 de diciembre de 2020

RECOMENDACIÓNS LECTORAS PARA ESTE NADAL

Como todos os anos aquí tedes unhas recomendacións para desfrutar da lectura na casa. 

Aínda estades a tempo de poñelas na carta de Papá Noel ou na dos Reis Magos.

Bo Nadal!






RECANTO DE NADAL

Aquí temos o recanto de Nadal un pouco diferente ao doutros anos.

Este curso, en lugar de poñer aquí libros sobre esta época do ano, temos unha escolma de manualidades feitas polos nenos e nenas. Sabemos que temos na biblioteca moitos libros sobre manualidades e, precisamente neses, están baseadas estas creacións.





viernes, 18 de diciembre de 2020

NOVAS!

Chegou outro lote de libros das vosas peticións!

Sei que o primeiro lote vos fixo moita ilusión. 

Agárdovos na biblioteca.

Biquiños, 

Mouchán






miércoles, 9 de diciembre de 2020

Mouchán escoitou as vosas peticións.

As novidades desta semana son moi especiais posto que son as peticións que lle fixestes a Mouchán.

Mirade o vídeo e achegádevos á biblioteca para poder desfrutalas.



miércoles, 2 de diciembre de 2020

ESTÁS AO DÍA DAS NOVIDADES?

Temos máis libros na biblioteca. Aquí vos presentamos unha colección de clásicos e uns libros interesantísimos para coñecer a prehistoria e descubrir a orixe dalgunhas cousas.





sábado, 28 de noviembre de 2020

SEGUEN CHEGANDO LIBROS PARA A BIBLIOTECA

Nesta ocasión temos novos libros moi variados e moi interesantes.

Botádelles unha ollada e ide pensando cal será o próximo que solicitaredes como empréstito.





viernes, 20 de noviembre de 2020

MÁIS COUSIÑAS PARA A NOSA VIDEOTECA

 Chegaron un montón de películas novas coas que pasar moi bos ratos de lecer.

Achégate á biblioteca para coñecelas.







viernes, 13 de noviembre de 2020

NOVIDADES PARA SABER MÁIS

Queres saber de onde veñen algúns dos alimentos que temos na casa? Nesta colección coñecerás a orixe do arroz, o aceite, o chocolate, o pan, o mel, o ovo, o leite e a auga.

Trátase dunha colección de contos con cancións, rimas e pezas teatrais que explican a través de divertidas clases e excursións coa mestra Teresa a elaboración destes alimentos.





miércoles, 11 de noviembre de 2020

CONCURSO DE RELATOS DE MEDO

En relación coa celebración do samaín, realizouse un concurso de relatos de medo. Foi unha actividade organizada en colaboración entre varios equipos: biblioteca, extraescolares e normalización lingüística.

O pasado mércores día 4, ao finalizar a celebración do magosto entregáronse os premios aos gañadores. Concretamente, houbo tres premios en cada ciclo da etapa de educación primaria.

Dámoslle os parabéns a todos aqueles nenos e nenas que participaron.

A continuación tedes os gañadores e gañadoras:

1º ciclo:

        1º premio: Mencía (2º curso) - "A aventura do tataravó Xosé".

        2º premio: Xulia (1º curso) - "A tumba do vampiro".

        3º premio: Diego (2º curso) - "Terror na casa".


2º ciclo:

        1º premio: Adrián (4º curso) - "O pesadelo de Xan".

        2º premio: Carla (4º curso) - "A lenda de samaín".

        3º premio: Lucía (3º curso) - "As tres bruxas".


3º ciclo:

        1º premio: Lucía (5º curso) - "O boneco diabólico".

        2º premio: Miguel (6º curso) - "Os cabaleiros errantes".

        3º premio: Celia (6º curso) - "A pantasma da fábrica".





viernes, 30 de octubre de 2020

O NOSO COLE GAÑADOR DO II CONCURSO DE PODCASTS RADIO NA BIBLIO

Hoxe temos unha moi boa noticia.

O noso cole gañou o premio no II Concurso de Podcasts- Radio na Biblio cun podcast creado con motivo da visita do escritor Antonio García Teijeiro. Fíxose un traballo previo importante  a ese día  desde as diferentes áreas para coñecer, por unha banda, a este autor, a súa obra... e, pola outra, a elaboración dun programa de radio dentro do noso proxecto relacionado cos medios de comunicación. 

Nesta ocasión, os encargados de entrevistar na nosa radio a Antonio García Teijeiro foron Saúl, Breixo e Lucía. Dámoslles a noraboa a todos.

Podes volver a escoitar o podcast no seguinte enlace da nosa canle de Ivoox.

https://www.ivoox.com/antonio-garcia-teijeiro-radio-chans-audios-mp3_rf_57581618_1.html



miércoles, 28 de octubre de 2020

AS MOCHILAS VIAXEIRAS XA ANDAN EN CIRCULACIÓN.

Con motivo da celebración do Día das Bibliotecas o pasado sábado 24  de outubro, entregamos xa en cada aula a correspondente mochila viaxeira.

Este ano, como novidade, non teremos só unha mochila por aula, senón que serán dúas! Deste xeito, ao devolver a mochila "A", a seguinte que viaxará será a mochila "B" para que permaneza o suficiente tempo para a súa cuarentena e desinfección para garantir a seguridade de todos.

Esperamos que desfrutedes dos libros que nelas van.

Un saudiño, 

Mouchán





RECANTO DE SAMAÍN

 Andade con moito coidado!!!

No noso recanto temos uns libros preparados para dar mooooito medo!

Unha chea de historias e de personaxes terroríficos estante agardando.






viernes, 16 de octubre de 2020

Novas normas da biblioteca

 Ola nenos e nenas.

No vídeo tedes as normas da biblioteca para seguir gozando deste espazo con total seguridade.

Tamén as tedes na entrada para volver a repasalas cando precisedes.

Vémonos axiña.




jueves, 15 de octubre de 2020

ESTAMOS DE VOLTA!

 Bo día nenos e nenas!

Dámosvos a benvida a este novo curso tan diferente Como non podía ser doutro xeito, a biblioteca abre de novo as súas portas pero con algunhas modificacións.

Polo de agora, recordade esta data: luns 19 de outubro. Este día xa estará aberta.

Mentres, estes días, cando pasedes por diante, botádelle unha ollada ás novas normas da biblioteca que veredes na entrada. Tamén tedes que poñer atención ao horario no que podedes entrar segundo o curso no que estades.

Veredes que axiña estaremos adaptados a esta "nova normalidade" da biblioteca de Mouchán.

Deste xeito, poderemos seguir desfrutando da lectura con todo o que temos na nosa biblioteca dunha forma segura. Pero ollo! Estade sempre atentos ás novidades que irán saíndo e que xa vos adianto que son moitas.

No seguinte vídeo Mouchán explícavos con máis detalle cousiñas deste curso.




viernes, 19 de junio de 2020

MOUCHÁN RECOMENDA PARA O VERÁN...

Desde a biblioteca desexámosvos un moi bo verán e unhas felices vacacións. Poderedes descansar e desfrutar do voso tempo de lecer despois do traballo que fixestes ao longo destes meses.
Como non podía ser doutro xeito, Mouchán recoméndavos unhas lecturas que considera moi interesantes, entretidas e divertidas.

BO VERÁN!




jueves, 18 de junio de 2020

AS NOVAS DE SAN BARTOLOMÉ NO FARO DE VIGO

Este ano o noso cole participou no proxecto  do Faro de Vigo chamado "Faro da Escola". Preténdese con el achegar o mundo xornalístico aos máis cativos formando lectores con pensamento crítico á vez que se traballa a expresión escrita.
No marco do proxecto documental integrado que traballamos este ano que levaba por título "Os medios de comunicación: Radiochans" o alumnado investigou sobre diferentes medios, visitou as dependencias dun xornal e dunha radio local, recibiu formación sobre a elaboración de noticias e o coidado da fotografía nas mesmas da man de profesionais do Faro de Vigo, entre outras actividades.

O proxecto "Faro da escola" tiña inicialmente o propósito de que o cole publicase un xornal coas novas elaboradas desde os diferentes niveis tanto de educación infantil como de primaria. Como todos sabemos, este curso foi moi diferente pola situación que nos tocou vivir e, este proxecto, non foi unha excepción, de xeito que a súa extensión tivo que verse reducida. Por suposto non se cancelou e mañá venres, día 19 de xuño, o Faro de Vigo vai adicado ás novas dos diferentes coles. Nel contaranse algunhas novas que tiveron lugar no noso centro e noutros.

Hoxe, xoves 18, todos os coles participantes recibimos un bonito recordo desta iniciativa nun acto celebrado en Vigo.


lunes, 15 de junio de 2020

PREMIO "MOUCHAR" Á MELLOR PELÍCULA DE ANIMACIÓN

Este proxecto dos alumnos de 6º leva por título: “O peliculón: a miña película de animación favorita”. Nel trataron de combinar diferentes medios de comunicación: radio, televisión e cine. Ía ser presentado no colexio, mediante unha gala cinematográfica, pero a pandemia e o posterior confinamento provocaron a imposibilidade de realizalo deste xeito e ter que adaptalo á nova situación. A pesar dalgunhas limitacións técnicas que tivemos, esperamos que vos guste.


lunes, 8 de junio de 2020

"TREMOEDO TRAVELER: MOUCHÁN VAISE DE VIAXE"

Presentamos a revista de viaxes co traballo realizado polo alumnado do 2º ciclo de Educación Primaria de Reforza-t.

Esperamos que o desfrutemos. A ver se algún día podemos visitar estes lugares que nos explican e recomendan.

Preme na imaxe para vela e vai pasando as páxinas na frechiña da dereita.


lunes, 1 de junio de 2020

ÚLTIMA ENTREGA DOS VIDEOCONTOS DE MESTRES

Pechan esta sección as mestras de liguas estranxeiras: Vanessa (francés) e a auxiliar de conversa, Alicia (inglés) con dous contos infantís ben coñecidos por todos. Prestade especial atención!
Esperamos que os desfrutedes.
Grazas ao profesorado participante nesta actividade, que puxeron toda a súa arte e agarimo para vós. 
A profe Alicia presenta: "The ugly duckling".

A profe Vanessa cóntanos: "Le grand gros navet".

CÓNTAME UN CONTO

Grazas a todos os que participastes no concurso de videocontos e parabéns, porque desfrutamos moito coas vosas creacións.
Todos e cada un de vós merecedes o premio e por iso todos ides recibir un agasallo de Mouchán. Pero como isto era un concurso onde hai que elixir a uns gañadores,  valoramos orixinalidade, elaboración, posta en escena,  interpretación...
Deste xeito, quedamos cun gañador por categoría en cada un dos ciclos.
As categorías son:
Videoconto en castelán.
Videoconto en galego.
Videoconto por parellas.
Gañadores na categoría VIDEOCONTOS EN CASTELÁN:
- Educación infantil: Nuria Pintos. Conto: “Caperucita roja”.
- 1º ciclo: Lucía Rodríguez (2º). Conto: “Una princesa diferente. La princesa pirata”.
-  2º ciclo: Lucía Varela (4º). Conto: “Blancanieves y los siete enanitos”.
-  3º ciclo: Eloy Bravo (6º). Conto: “ El monstruo de colores”.

Gañadores na categoría VIDEOCONTOS EN GALEGO:
- Educación infantil: Lucía Iglesias. Conto "O polo Pepe".
1º ciclo: Saul Moldes. Conto: "Filipo e Leo".
2º ciclo: Rita Rodríguez. Conto: "O señor Ramón e a señora Ramona".
- 3º ciclo: Celia Amoedo. Conto: "A cola de dragón".


Gañadores na categoría VIDEOCONTOS EN PARELLA:
- 1º ciclo: Pepe e Mencía. Conto: "Los tres cerditos".
2º ciclo: Estela e Manuel. Conto: "Os pitiños".
3º ciclo: Carla e Nico. Conto: Quen vén esta noite?

Parabéns a tod@s, nenos, nenas e familias colaboradoras! 
Como non poderá haber entrega de premios presencial e non queremos esperar a setembro, cada un levará o seu agasallo cando veña recoller o material ao colexio. 


O resto dos videocontos podédelos ver no seguinte enlace:

jueves, 21 de mayo de 2020

MASTER CHEF DE 3º

Neste vídeo aparecen os fantásticos cociñeiros de 3º coas recetas dos seus pratos favoritos que elaboraron eles mesmos. Primeiro deseñaron un menú semanal e, logo, a receita do seu prato favorito.

Ademais, agradecemos toda a colaboración das familias e a montaxe en vídeo da profe Mariña.

Preme na imaxe para visualizar o vídeo.


martes, 19 de mayo de 2020

VIDEOCONTOS DESDE O CONFINAMENTO

Chega a terceira entrega dos videocontos feitos polos profes.
Desfrutade dos contos que vos deixaron hoxe.

A profe Noela, de infantil cóntanos "Cocorico".




A profe Vanessa tráenos (xunto cunha colaboradora moi especial) "Adivina cuanto te quiero".



lunes, 18 de mayo de 2020

FELIZ DÍA DAS LETRAS GALEGAS 2020

Este ano non se esquecerá das nosas memorias, pois será ese ano no que celebramos o Día das Letras Galegas desde a casa, dun xeito diferente. 

Ademáis de achegarnos a Ricardo Carvalho Calero desde os fogares coas actividades propostas polos mestres e mestras, empregamos a nosa lingua para recordar expresións que nos gustan e nos dan ánimos e afouteza para seguir adiante nestes momentos complicados.

Os nosos parabéns tanto ás familias como aos mestres e mestras que participaron na elaboración e montaxe deste estupendo vídeo, para festexar o "Día das Letras Galegas 2020".



martes, 12 de mayo de 2020

VIDEOCONTOS DENDE A CASA: SEGUNDA ENTREGA.

Esta semana déixanvos os seus contos as profes Almudena e Chus. Seguro que xa os coñecedes, pois son dous libros que temos na biblio de Mouchán e sabemos que vos gustan moito. Desfrutádeos.

A profe Almudena cóntanos "Caracol e vermiño":



E coa profe Chus desfrutaremos de "Cando Martiño tivo gañas de mexar na noite de Reis":


jueves, 7 de mayo de 2020

VIDEOCONTOS DENDE A CASA

Os mestres decidimos adicarvos unhas xornadas de videocontos durante este mes de maio, que iremos publicando cada semana.
Inaugura esta sección o profe Manolo cun conto clásico que moitos de vós coñeceredes: "Polgariña".
Esperamos que o desfrutedes!


lunes, 27 de abril de 2020

NOVAS RECOMENDACIÓNS E FELICITACIÓNS POLO DÍA DO LIBRO!!

Temos outras nenas que quixeron participar na actividade do Día do libro. Moitas grazas!!!!
Como ben sabedes, ás veces hai problemas coas tecnoloxías (máis nesta época que todos estamos a mandar moitas cousas) e fai que non cheguen os arquivos a tempo.

viernes, 24 de abril de 2020

A pegada de Antonio García Teijeiro

Entre libros e libros e ventos e ventos... con Antonio Garcia Teijeiro un aire fresco deixou unha pegada moi importante entre nós.
Hai un tempo que no cole tivemos a sorte de telo entre nós e o seguimos recordando.
Podes escoitar en Ixoox a emotiva entrevista que lle fixo un grupo de 2º en Radio Chans.

https://www.ivoox.com/antonio-garcia-teijeiro-radio-chans-audios-mp3_rf_50381802_1.html


Tamén podes ver o vídeo da canción composta na clase de música sobre un dos seus poemas e interpretada polo alumnado de 1º a 4º de Educación Primaria.



E mirade o artistas que son os nenos e nenas de 3º que compuxeron as súas propias estrofas tomando como referencia a temática do vento tan presente na última obra do autor: "Vento, ventiño, venteiro".


jueves, 23 de abril de 2020

FELIZ DÍA DO LIBRO 2020!!!

Desexámosvos un moi feliz Día do libro neste 23 de abril.
Desfrutemos moito destes momentos de lectura e das recomendacións que nos fan os nosos nenos e nenas que, a pesares da distancia, con este vídeo nos sentimos máis preto.
Moitas grazas ás familias e ao alumnado pola súa participación.


domingo, 19 de abril de 2020

GALICIA LE, unha chea de recursos sen saír do noso fogar

Compartimos o enlace de GaliciaLe da rede de bibliotecas públicas de Galicia.

Tedes toda a información para poder desfrutar de libros, revistas, audiolibros e películas en formato electrónico no teléfono móbil, tablet e ordenadores e, no caso dos libros, ademais, en lectores de libro electrónico.
Todo iso seguindo uns sinxelos pasos. 
Que o confinamento non sexa un impedimento para poder aproveitar estes recursos nos nosos momentos de lecer.




viernes, 3 de abril de 2020

POESÍA PARA AMENIZAR A CUARENTENA

Entre todas as noticias que están ultimamente nos medios, estamos ledos de ver a Antonio García Teijeiro en vídeo recitando uns poemas cheos de agarimo, como todo o que fai coas súas queridísimas palabras. Recita para nós a prmeira entrega de "Versos para ler e soñar".

Como tamén ben di antes de recitar: "[...] A poesía debe estar presente nestes tempos que corren [...]".
Moitas gracias Antonio por facer que, nestes momentos tan complicados, a túa ledicia e agarimo chegen aos nosos fogares.

Ao velo, é imposible non acordarse daquel día de febreiro, cando tivemos a grandísima sorte de estar con el na nosa biblioteca, na nosa radio... Que bonitos recordos que nos fan pensar no moito que botamos de menos ao noso cole!




jueves, 2 de abril de 2020

2 DE ABRIL, DÍA INTERNACIONAL DO LIBRO INFANTIL

Hoxe celébrase o Día internacional do libro infantil.  
preme na imaxe para acceder.

Celebremos todos xuntos este día con Antonio García Teijeiro, cada un desde as súas casas.



Nestes outros enlaces poderedes desfrutar de contacontos, o salón do libro virtual e moitas outras aportacións de editoriais e autores galegos para que poidades desfrutar da lectura tamén nestes días, xa que non vos podedes achegar ás bibliotecas.

https://osbolechas.gal/libro-fala.php

Saudiños e a coidarse.
Vémonos pronto!

lunes, 16 de marzo de 2020

Ana e Carla presentan...


Dúas alumnas de 6º, Ana e Carla, preséntannos esta nova colección Zoo da Editorial Combel para que desde xa ben cativos aprendamos un montón sobre os animais. Con este vídeo, estas dúas alumnas ensínannos máis polo miúdo como son por dentro estes novos libros. Achégate á biblioteca para descubrilos!

lunes, 9 de marzo de 2020

Recuncho da biblioteca

No recuncho da biblioteca hai unha selección de libros cos que fixemos unha pequena homenaxe na conmemoración do 8 de marzo no Día Internacional da Muller.


Cantas novidades!

Para aprender desde ben cativos moitas cousas sobre os animais.


sábado, 29 de febrero de 2020

A pegada de Antonio García Teijeiro

Entre ventos e ventos... con Antonio García Teijeiro un aire fresco deixou unha pegada moi importante entre nós.

Por exemplo, podes ver o vídeo da canción composta sobre un dos seus poemas e interpretada polo alumnado de 1º a 4º de Educación Primaria.



E mirade o artistas que son os nenos e nenas de 3º que compuxeron as súas propias estrofas tomando como referencia a temática do vento tan presenta na última obra do autor: "Vento, ventiño, venteiro".




jueves, 20 de febrero de 2020

ANTONIO GARCÍA TEIJEIRO VISITOU O NOSO COLE

O escritor galego Antonio García Teijeiro visitounos onte, para compartir con nós algúns dos poemas do seu novo libro de poesía para nenos: "Vento, ventiño, venteiro". A actividade forma parte do Programa  Faro da escola, promovido polo Faro de Vigo, no que estamos a participar este curso.



Recitamos con el, cantamos, xogamos a adiviñar...

e mesmo lle fixemos unha entrevista para Radiochans.



martes, 18 de febrero de 2020

NOVIDADES

É tempo de entroido! Peliqueiros, cigarróns, boteiros, volantes,...os persoaxes máis senlleiros do entroido en Galicia.
Desfrutade, ademáis,das aventuras do rato Paco para os máis cativos e doutras historias moi divertidas para nenas e nenos a partires de 8 anos

domingo, 16 de febrero de 2020

RADIOCHANS COA CONSELLEIRA DE EDUCACIÓN

Xa está dispoñible o programa de radio que algúns nenos e nenas de 6º fixeron xunto coa Sra. Carmen Pomar, Conselleira de Educación, Universidade e Formación Profesional.

Entra coma sempre en ixoov e escoita.



miércoles, 12 de febrero de 2020

Visita da Conselleira de Educación



Co gallo da publicación da convocatoria do II Concurso de podcast-Radio na Biblio, a Conselleira de Educación da Xunta de Galicia, Carmen Pomar, visitou o noso centro. Foi un pracer contar coa súa presenza no noso centro, ensinarllo, falar das actividades, programas e proxectos que estamos a levar a cabo e mesmo gravar un programa de radio.

Deixámosvos os enlaces onde podedes ver algunhas das noticias e vídeos realizados ao respecto.

Noticia no portal de educación da Xunta de Galicia:
https://www.edu.xunta.gal/portal/node/30254

Noticia en La Voz de Galicia: https://www.lavozdegalicia.es/video/arousa/2020/02/12/oss-alumnos-tremoedo-entrevistan-conselleira-educacion-na-sua-radio-escolar/0031_2020026131938924001.htm

Noticia do Faro de Vigo: https://www.farodevigo.es/portada-arousa/2020/02/13/radio-e-idiomas-rural-vilanoves/2246440.html

Vídeo publicado polo concello de Vilanova de Arousa:
https://es-es.facebook.com/concello.devilanovadearousa/videos/131278191461788/


lunes, 3 de febrero de 2020

NOVO PROGRAMA DE RADIO

Queres escoitar ao alumnado de 1º de Educación Primaria. Teñen moitas cousas que contar.
Gravaron un novo programa en RadioChans falándonos sobre as tarefas domésticas.
Atópaos en ivoox.
https://www.ivoox.com/en/as-tarefas-dos-nenos-e-nenas-1-audios-mp3_rf_47188227_1.html


miércoles, 29 de enero de 2020

Pautas de crianza

Onte á tarde tivemos a sorte de contar no noso centro con Carmen Loureiro, gran educadora e comunicadora. Desfrutamos un montón do seu faladoiro sobre pautas de crianza no que fixo fincapé na importancia de formar nenos e nenas autónomas desde as idades máis temperás, satisfacer as necesidades dos nosos fillos atopando un equilibrio ou punto intermedio sen caer no exceso nin no defecto, establecer límites claros, afrontar os problemas deixándoos repousar para que os implicados os aborden con máis tranquilidade así como "botar unha cantidade de suavizante" ás nosas palabras cando nos comunicamos. Moitas gracias, Carmen, por compartir con nós a túa dilatada experiencia.




viernes, 24 de enero de 2020

ATENCIÓN! ATENCIÓN! Saímos en prensa!

Esta semana tivemos a sorte de contar no noso centro con membros do Faro da Escola que nos explicaron aspectos esenciais para facer o noso periódico.
Aprendemos un montón de cousas: que a redacción dunha noticia debe respostar ás 5W (facendo referencia á primeira letra coa que se escriben en inglés os pronomes interrogativos "que?, quen?, cando?, onde? e por que?"; os xéneros ou tipos de textos que podemos facer como noticias, reportaxes, entrevisas, artigos de opinión...; as seccións do xornal; e, consellos para seleccionar as fotografías.

Así, estamos desexando comezar a elaborar o noso propio periódico.

Deixámosvos o enlace da noticia na que saimos en Faroeduca.

https://www.faroeduca.es/actualidad/tremoedo-faro-da-escola.html





jueves, 23 de enero de 2020

O recuncho da biblioteca

Xa está listo o recuncho da nosa biblioteca no que podes coñecer estes libros sobre o Día Escolar da Non Violencia e a Paz que conmemoraremos o vindeiro 30 de xaneiro. Colle un libro, senta no noso sofá e desfruta do teu momento de lecer. 


UNBOXING ALICE, TEATRO EN INGLÉS

Todos coñecedes o clásico da literatura infantil universal," Alicia no pais das Maravillas". Pois mañá venres, 24 de xaneiro, o alumnado de 3º, 4º, 5º e 6º poderedes desfrutar dunha nova e disparatada versión desta obra, en inglés.
Estade moi atentos, porque nada é o que parece...


“Unboxing Alice”, unha versión en inglés para escolares, do clásico de Lewis Carroll:  “Alice in Wonderland”, no auditorio da Sede Afundación de Pontevedra.