Benvidos á biblioteca do CEIP de San Bartolomé!
Aquí temos o recanto de Nadal un pouco diferente ao doutros anos.
Este curso, en lugar de poñer aquí libros sobre esta época do ano, temos unha escolma de manualidades feitas polos nenos e nenas. Sabemos que temos na biblioteca moitos libros sobre manualidades e, precisamente neses, están baseadas estas creacións.
Chegou outro lote de libros das vosas peticións!
Sei que o primeiro lote vos fixo moita ilusión.
Agárdovos na biblioteca.
Biquiños,
Mouchán
As novidades desta semana son moi especiais posto que son as peticións que lle fixestes a Mouchán.
Mirade o vídeo e achegádevos á biblioteca para poder desfrutalas.
Temos máis libros na biblioteca. Aquí vos presentamos unha colección de clásicos e uns libros interesantísimos para coñecer a prehistoria e descubrir a orixe dalgunhas cousas.
Nesta ocasión temos novos libros moi variados e moi interesantes.
Botádelles unha ollada e ide pensando cal será o próximo que solicitaredes como empréstito.
Chegaron un montón de películas novas coas que pasar moi bos ratos de lecer.
Achégate á biblioteca para coñecelas.
Queres saber de onde veñen algúns dos alimentos que temos na casa? Nesta colección coñecerás a orixe do arroz, o aceite, o chocolate, o pan, o mel, o ovo, o leite e a auga.
Trátase dunha colección de contos con cancións, rimas e pezas teatrais que explican a través de divertidas clases e excursións coa mestra Teresa a elaboración destes alimentos.
En relación coa celebración do samaín, realizouse un concurso de relatos de medo. Foi unha actividade organizada en colaboración entre varios equipos: biblioteca, extraescolares e normalización lingüística.
O pasado mércores día 4, ao finalizar a celebración do magosto entregáronse os premios aos gañadores. Concretamente, houbo tres premios en cada ciclo da etapa de educación primaria.
Dámoslle os parabéns a todos aqueles nenos e nenas que participaron.
A continuación tedes os gañadores e gañadoras:
1º ciclo:
1º premio: Mencía (2º curso) - "A aventura do tataravó Xosé".
2º premio: Xulia (1º curso) - "A tumba do vampiro".
3º premio: Diego (2º curso) - "Terror na casa".
2º ciclo:
1º premio: Adrián (4º curso) - "O pesadelo de Xan".
2º premio: Carla (4º curso) - "A lenda de samaín".
3º premio: Lucía (3º curso) - "As tres bruxas".
3º ciclo:
1º premio: Lucía (5º curso) - "O boneco diabólico".
2º premio: Miguel (6º curso) - "Os cabaleiros errantes".
3º premio: Celia (6º curso) - "A pantasma da fábrica".
Hoxe temos unha moi boa noticia.
O noso cole gañou o premio no II Concurso de Podcasts- Radio na Biblio cun podcast creado con motivo da visita do escritor Antonio García Teijeiro. Fíxose un traballo previo importante a ese día desde as diferentes áreas para coñecer, por unha banda, a este autor, a súa obra... e, pola outra, a elaboración dun programa de radio dentro do noso proxecto relacionado cos medios de comunicación.
Nesta ocasión, os encargados de entrevistar na nosa radio a Antonio García Teijeiro foron Saúl, Breixo e Lucía. Dámoslles a noraboa a todos.
Podes volver a escoitar o podcast no seguinte enlace da nosa canle de Ivoox.
https://www.ivoox.com/antonio-garcia-teijeiro-radio-chans-audios-mp3_rf_57581618_1.html
Con motivo da celebración do Día das Bibliotecas o pasado sábado 24 de outubro, entregamos xa en cada aula a correspondente mochila viaxeira.
Este ano, como novidade, non teremos só unha mochila por aula, senón que serán dúas! Deste xeito, ao devolver a mochila "A", a seguinte que viaxará será a mochila "B" para que permaneza o suficiente tempo para a súa cuarentena e desinfección para garantir a seguridade de todos.
Esperamos que desfrutedes dos libros que nelas van.
Un saudiño,
Mouchán
Andade con moito coidado!!!
No noso recanto temos uns libros preparados para dar mooooito medo!
Unha chea de historias e de personaxes terroríficos estante agardando.
Ola nenos e nenas.
No vídeo tedes as normas da biblioteca para seguir gozando deste espazo con total seguridade.
Tamén as tedes na entrada para volver a repasalas cando precisedes.
Vémonos axiña.
Bo día nenos e nenas!
Dámosvos a benvida a este novo curso tan diferente Como non podía ser doutro xeito, a biblioteca abre de novo as súas portas pero con algunhas modificacións.
Polo de agora, recordade esta data: luns 19 de outubro. Este día xa estará aberta.
Mentres, estes días, cando pasedes por diante, botádelle unha ollada ás novas normas da biblioteca que veredes na entrada. Tamén tedes que poñer atención ao horario no que podedes entrar segundo o curso no que estades.
Veredes que axiña estaremos adaptados a esta "nova normalidade" da biblioteca de Mouchán.
Deste xeito, poderemos seguir desfrutando da lectura con todo o que temos na nosa biblioteca dunha forma segura. Pero ollo! Estade sempre atentos ás novidades que irán saíndo e que xa vos adianto que son moitas.
No seguinte vídeo Mouchán explícavos con máis detalle cousiñas deste curso.
